Lección dos peques: Como colocar o casco

 

Uns peques do Cisneros colleron as mini motos de equilibrio, pero tiñan que poñer casco como nas motocicletas de verdade.

Non perdades a lección que se dan entre iguais para colocar ben o casco.

III Congreso Galego de Seguridade e Educación Viaria

Os días 19 e 20 de maio de 2022 a profesora de Cisneros, Mª Elisa Abad “Marila” desprazouse a Narón (A Coruña)  para participar no III Congreso Galego de Seguridade e Educación Viaria; xunto con Sinda Aguiar, Coordinadora de Educación Viaria na Xefatura Provincial de Tráfico de Ourense foron as representantes ourensáns no evento organizado polo Concello de Narón e a Rede Cidades que camiñan.

Un foro sobre mobilidade, cultura viaria e espazo público no que participaron relevantes personalidades. Múltiples perspectivas para analizar como enfocar as accións públicas e como contribuír desde distintos ámbitos a mellorar os nosos espazos habitados, sexan do tamaño que sexan.

Profesorado en formación que trouxo ao centro as novidades para compartilas co alumnado.

 

 

Faláronnos do Camiño

Todos moi atentos ás explicacións de Ramón

 O día 19 de maio de 2022 recibimos en Cisneros a visita de Ramón Fernández. Da súa man fixemos un bonito e interesante percorrido polo Camiño de Santiago, dun xeito ameno e distentido.

Ramón, con máis de 20 “camiños” feitos, é un gran coñecedor del e das súas lendas e tradicións. Graciñas por compartilo con nosco.

Tamén nos adiantou unha feliz nova: en breve, comezarase a gravación dunha nova serie televisiva titulada: “Doce no camiño“.

“As frechas do camiño”

Sara Dacal da Concellería de Educación con Ramón Fernández, felices ao remate da charla

Esta actividade puxo en valor a idea de facer o camiño a pé, en cabalo, en bicicleta; ou sexa empregando un medio de desprazamento sostible que coide o noso planeta.

Charla de Educación Viaria con Beni

 Beni Bouzada activista vial de Atesugal.FETEVI visitou o centro para repasar cos máis peques as normas que lles axudarán a moverse máis seguros.

Estaba acompañado da “Ranita Clic-clic” e de Martiño o peregrino que lle axudaron a lembrar o uso do cinto de seguridade, e as cores do semáforo.

Unha selección de momentos…

Vídeo de concienciación: "Sin casco, vuelas"

 Vídeo de concienciación sobre seguridade viaria creado por alumnas e alumnos de Cisneros.

https://youtu.be/f5HE25y6VgY

Sinopse: 

Un accidente con patinete pode non ter segunda oportunidade. 

No vídeo terala, na vida talvez non. 

Sen casco voas e estrélasche. Usa casco!

Autores:

 Fernando Tejada Recarey, Zaida Outeiriño Rodríguez e Anxo Feijoo Prada alumnos de 4º ESO do CPR Cardeal Cisneros de Ourense.

Maio de 2022